Policia e Kosovës, ka njoftuar se njësiti Task Forcë, në bashkëpunim me Doganën e Kosovës, në dy raste të ndara gjatë kontrolleve me datën 11.09.2023, ka parandaluar dhe zbuluar kontrabandim me mallra.
Sipas njoftimit, rasti i parë i dyshuar ishte në brezin kufitar Serbi – Kosovë ku është ndaluar automjeti me targa vendore duke hyrë ilegalisht në Kosovë. I njëjti kishte ngarkuara mallra që dyshohet të jenë të kontrabanduara.
Teksa rasti i dytë ishte në rrugën Stublinē – Dobërqan ku automjeti me targa serbe, dyshohet se kishte hyrë në mënyrë ilegale në Kosovë, e i njëjti kishte pajisje të kontrabanduara, në vlerë rreth 20.000 euro.
“Rasti 1. Pas pranimit të informatave për lëvizje të dyshimta në brezin kufitar Serbi-Kosovë, njësiti Task Forcë ka ndërmarrë masa të nevojshme operativo-taktike, ku në zonën e Kamenicës është ndaluar automjeti Mercedes furgon me targa vendore, i cili është vërejtur duke hyrë ilegalisht në Republikën e Kosovës, ku drejtues ishte personi R. M., 1988 mashkull kosovar. Gjatë kontrollit në automjetin e tij i dyshuari kishte pasur të ngarkuara mallra që dyshohet të jenë të kontrabanduara.
Rasti 2. Në rrugën Stublinē – Dobërqan automjeti Tauran, me targa serbe, i cili dyshohet se kishte hyrë në mënyrë ilegale në Republikën e Kosovës, në përpjekje per t’iu shmangur kontrollit të njësitit Task Forcë dhe duke mos iu bindur urdhrave të Policisë, përveç që ka rrezikuar zyrtarët policorë, i njëjti gjatë vozitjes humb kontrollin mbi automjet duke dalë nga rruga. Gjatë kontrollit është vërejtur se i dyshuari me iniciale F. M. mashkull, shtetas i Serbisë, në automjet kishte pasur të ngarkuara pajisje të ndryshme të kontrabanduara, ku vlera e përafërt e tregut arrin shifrën rreth 20.000 euro”, thuhet në njoftim.
Teksa theksohet se të gjitha veprimet janë ndërmarrë në bashkëpunim me Prokurorinë e Shtetit, ku me urdhër të prokurorit kujdestar, malli është dërguar në terminalin doganor për procedura të mëtutjeshme që parashihen për raste të tilla./teve1.info./
