Qytetarët po vazhdojnë të ankohen për ngritje të çmimeve. Në tregun e gjelbër në Prishtinë, qytetarët tregojnë se çmimet ndryshojnë edhe brenda ditës. Për këtë ekonomisti Bashkim Mustafa lë në faj Qeverinë që nuk po ndihmon qytetarët.
Çdo ditë po vërehen ndryshime në çmimet e produkteve bazë të shportës së konsumatorit.
Këtë po e thonë edhe qytetarët në Tregun e Gjelbër në Prishtinë.
Për Halil Gecin këto çmime janë të papërballueshme në krahasim me pagat që qytetarët marrin.
Madje ai bën edhe një krahasim.
“Në krahasim me pagat që i marrin punëtorët çmimet janë shumë të larta)00:22-00:37 (Unë këto çmimet janë 1.70 2 euro domatet i ki edhe ne Geneve, 2.50 spanaqi, 3 euro është laknori me maze me ta përgatite, me ta gatu me ta sjell te shtëpia”, tha qytetari, Halil Geci.
Ndryshimet dikush po i vëren edhe brenda ditës.
“Dita ditës, paradite ma lirë pasdite ma shtrejt hajt qashtu Toka na ka mbetur e zbrazët, kemi ardhur në qytet edhe një vjet a dy duhet me i shit mu kthy krejt”, qytetari tjetër, Hysen Hyseni.
Ndërsa Faik Fazliu tregon që kilogrami i fasules shkon deri në 10 euro.
“Dal shpesh, përditë ndryshe ndryshe, ka ndryshime për cdo ditë) 00:52 –01:03 (Edhe ato dallime po tash nuk kemi fasulen tonë që kemi pasë përpara, se nuk pe mbjell kerkush, se unë isha në Pejë para do ditëve, 10 euro një kg pasul e bleva”, tha Faik Fazliu.
E rritjen e çmimeve e komenton edhe ekonomisti Bashkim Mustafa.
Sipas tij, Qeveria është duke heshtur dhe nuk po u del në ndihmë qytetarëve.
“Fatkeqësisht në tri vitet e fundit kemi një ngritje të nivelit të përgjithshëm të cmimeve dhe nga viti në vit tash pothuajse është bërë e papërballueshme me këtë ngritje të nivelit të cmimeve dhe sigurisht që nuk është duke u ndalë ky trend, fatkeqësia më e madhe është që qeveria e Kosovës është duke heshtur dhe duke mos u dalur në ndihmë qytetarëve të vendit për cka edhe iu është vështirësuar jeta dhe mbijetesa e tyre”, tha Mustafa.
Sipas Mustafës, në 10 vitet e fundit ka një shumëfishim të ngritjeve të çmimeve.
