Janë brenda hapësirës ku merren vendime për çështje të rëndësishme.
Nga kjo e hënë, Kuvendi i Kosovës hapi dyert për mërgatën.
E interesimi nuk qe i pakët.
Disa prej tyre shikonin brendësinë e institucionit.
E të tjerë, shfrytëzonin foltoren për fotografi.
Por një gjë po u shkaktonte pakënaqësi.
Shemsi Shema që jeton në Zvicër, shprehet i indinjuar me situatën e krijuar politike në vend.
“Situata absolut nuk është e mirë edhe neve absolut s’po na konvenon, s’po na leverdis fare, sepse edhe po ka shpenzime shumë, humbje shumë. Mandej ka gjana që apsolut për mërgatën nuk janë të mira, nuk janë të hijshme”, shprehet Shemsi Shema –bashkatdhetar nga Zvicra.
E të tjerë thonë se politikanët duhet t’i lënë inatet anash e të punojnë në interes të qytetarëve.
“…ta gjejnë një zgjidhje që është në të mirë të popullit të Kosovës, se është lodh populli. Është lodh me të vërtet. Nuk është mirë që të vazhdohet kështu me inate personale po të mendojnë njëherë e mirë për popullin e Kosovës”, shprehet Shukrie Shema –bashkatdhetarë nga Zvicra.
“Shpresojmë që deputetët ta gjejnë një gjuhë të përbashkët, të bashkëpunojnë mes vete, mos ta konsiderojnë vetveten si armiq, por si miq të përbashkët. Të marrin shembull vendet e tjera evropiane si bashkëpunojnë”, thotw Nexhip Bytyqi, bashkardhetar nga Gjermania.
Për herë të parë nga afër, Kuvendin e Kosovës e pa mërgimtari nga Zvicra, Xhevadin Selmani.
Ai një mesazh për deputetët.
“…disa shokë këtu ish-komandantë edhe ish-shokë të shkollës ushtarake, jomë zhgënjye shumë se ata luftun për lirinë e këtij populli, kurse pas luftës u shëndruan, s’po du ta flas atë fjali ‘njerz të malit’ sepse ata janë njerëz të arsimuam. Por, të kujtohen pak për çka kanë luftu…para luftës s’kanë pas sen, tash multimilionera”, u shpreh ai.
Mërgimtarët në një takim i priti këtë të hënë edhe ushtruesja e detyrës së presidentes, Albulena Haxhiu.
