Fatura përfundimtare për pandeminë Covid-19 në Zvicër është llogaritur në rreth 8 miliardë franga zvicerane.
Rreth 5 miliardë franga u paguan nga fondet qendrore federale, ndërsa kantonet duhej të përballonin kostot nga 2.3 miliardë deri në 2.9 miliardë frang, raporton swi, përcjell Albinfo.ch.
Deri në 958 milionë franga u përballuan nga siguruesit shëndetësorë për të trajtuar pacientët dhe 380 milionë franga të tjera për vaksinat midis 2020 dhe 2022.
Shumica e kostove të pandemisë federale u konsumuan nga testimi (3 miliardë franga) dhe prokurimi i vaksinave dhe furnizimeve shëndetësore, si maskat (1.7 miliardë franga).
Kostoja e vaksinave për kantonet ishte pak më pak se gjysmë miliardë franga.
Vlerësimi i kostove të pandemisë Covid-19 për Zvicrën, të cilat u publikuan të mërkurën, u urdhërua nga një mocion parlamentar në vitin 2020.
