Këtë deklaratë Panchev e bëri në Tëvë1 duke e komentuar takimin e sotëm të kryeministrit të Kosovës, Albin Kurti me presidentin e Serbisë, Aleksandar Vuçiq në Bruksel.
Politologu bullgar ndër të tjera theksoi se Serbia duhet të zgjedhë rrugën e saj, a do të jetë me vendet e tjera në Evropë apo dëshiron të shkojë me fuqi të tjera që në plan të parë e kanë dominimim politik dhe ushtarak mbi vendet e tjera.
“Bashkimi Evropian nuk ka shumë fuqi, nuk ka shumë instrumente por prapë se prapë BE-ja duhet të veprojë në mënyrë më të qartë, duhet t’i vërë Serbisë kushte shumë të qarta në lidhje me politikën agresive serbe në rajon, në lidhje me politikën serbe në mbështetje të agresionit rus në Ukrainë. Duhet të ndalen fondet evropiane për Serbinë të gjitha fondet, të ndërpritet bashkëpunimi në disa fusha dhe Serbia të zgjedhë vendin dhe rrugën e saj, a do të jetë me vendet e tjera në Evropë që dëshirojnë të ndërtojë një hapësirë ku mbizotëron paqja, zhvillimi ekonomik, social, barazia ndërmjet popujve ose Serbia, Beogradi dëshiron të shkojë me fuqi të tjera që në plan të parë e kanë dominimim politik dhe ushtarak mbi vendet e tjera”, tha ai.
Tutje në emisionin “Ditari”, Panchev tha se BE-ja e ka humbur strategjinë e saj pasi që thotë se po lejon disa lobistë agresiv serbë të ndikojnë mbi politikën e saj.
“Bashkimi Evropian e ka humbur rrugën e vërtetë e ka humbur strategjinë e tij sepse lejojnë disa lobistë agresiv serbë të ndikojnë mbi politikën e Bashkimit Evropian madje edhe mbi politikën e Shteteve të Bashkuara të Amerikës sesi Serbia ka tradita të vjetra duke i blerë kubistët, duke bërë propagandë… “, shtoi ai./Teve1.info/
