Edhe këtë qershor, qeset i mbushi plot me libra.
Të gjitha këto, Agron Bylyta, i bleu të mërkurën në Pallatin e Rinisë në Prishtinë.
Krejt kjo meqë Panairi i Librit në Prishtinë, i hapi dyert për edicionin e 26-të.
Edhe këtë vit, në Prishtinë nuk munguan lexuesit nga Tirana.
E për herë të parë në Panairin e Librit në Prishtinë, erdhi edhe autori nga Çamëria, Ilir Kushi.
E një autor tjetër, u kujdes që tregimet e vjetra shqiptare të kthehen në mënyrën me kreative.
E në hapjen e Panairit të Librit, nuk munguan as krerët e institucioneve.
“Një qytetar që lexon e kupton më mirë lajmin, e kupton më mirë ligjin, premtimin politik, kontratën, historinë, dokumentin zyrtar dhe të drejtën e vet. Ai apo ajo ka më shumë mundësi të mendoj me kokën e vet, të kuptojë atë që i thuhet dhe të mos mbetet i varur nga të tjerët”, u shpreh Haxhiu.
“Mbi të gjitha, një popull që lexon e zhvillon sensin e progresit dhe zhvillimit. Ai nuk ka frikë nga idetë e reja dhe nuk e sheh dijen si privilegj, por si të drejtë dhe përgjegjësi”, ka thënë Rama
Në edicionin e 26-të i ftuar nderi ishte shkrimtari italo-francez Francesco Rapazzini.
Ai u shpreh se kjo afërsi me lexuesit përbëjnë momentin më të rëndësishëm për çdo autor
“Ajo çka shoh këtu është buzëqeshja. Atë që nuk e shoh për çdo ditë në vendin ku jetoj. Të shkruarit është një profesion shumë i vetmuar. Njeriu është shumë i vetmuar kur shkruan, është i mbyllur në shtëpinë e vet. Dhe çasti kur boton dhe nuk është gjithmonë e lehtë të arrish të botosh, por kur boton dhe shkon në takimin me një lexues, me një lexues të mundshëm, ai është momenti i përmbushjes së një mundi, të një lodhjeje, të një bote të brendshme që mund ta ndash me të tjerët”, theksoj Rapazzini.
Panairi i Librit në Prishtinë do të jetë i hapur deri të dielën.
