Këtë për Teve1.info e ka konfirmuar zëdhënësja e Policisë për rajonin e Prishtinës, Flora Ahmeti.
Ekipi i Tëvë1, ka dërguar fotografi nga vendi i ngjarjes, ku gruaja u gjet e vdekur.
Nga pamjet shihet se në vendngjarje është Policia e Kosovës dhe ekipet e Forenzikës.
“Rreth orës 13:00, kemi pranuar informatën për një person të lënduar të shtrirë në afërsi të një objekti në rrugën “Ferat Dragaj” në Prishtinë. Policia dhe ekipi mjekësor menjëherë kanë dalë në vendin e ngjarjes, ku nga ekipi mjekësor është konstatuar vdekja e personit (femër)”, ka thënë zëdhënësja Ahmeti.
Tutje Ahmeti tha se policia po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit.
Trupi i viktimës është larguar nga vendi i ngjarjes./Teve1.info/
