Hollywood-i ka një çift të ri të famshëm: Pamela Anderson dhe Liam Neeson.
Dyshja, të cilët u njohën gjatë xhirimeve të filmit të tyre të fundit “The Naked Gun”, kanë nisur një romancë që tashmë është bërë publike.
Një burim për “People” tha se marrëdhënia e tyre është ende “në fazat e hershme”, por duket se ata janë të dashuruar dhe po shijojnë çdo moment së bashku.
73-vjeçari i njohur nga filmi “Taken” dhe ish-ylli i “Baywatch” janë parë shpesh bashkë gjatë promovimit të komedisë së tyre, përfshirë edhe daljen e tyre në premierën e tapetit të kuq në New York City.
Sipas burimeve, Anderson dhe Neeson po e shijojnë shoqërinë e njëri-tjetrit, ndërsa romanca e tyre po tërheq gjithnjë e më shumë vëmendjen e mediave.
