Rafaelle Palladino do të jetë trajner i skuadrës së Fiorentinës prej sezonit të ri.
Palladino te Fiorentina është prezantuar të martën në një konferencë për shtyp, ndërsa me ekipin toskan ka firmosur kontratë deri në vitin 2026. Në këtë post, Palladino ka zëvendësuar Vincenzo Italianon të larguar ditë më parë pas tri sezoneve në klub.
Palladino në dy vitet e fundit ka qenë trajner i Monzas, ekip që përfundoi në pozitën e 12-të në Serie A sezonin e sapopërfunduar.
Fiorentina sezonin e mbylli në pozitën e tetë, ndërsa luajti edhe në finalen e Ligës së Konferencës ku u mposht 1:0 nga Olympiacosi.
