Pal Lekaj ka njoftuar se nuk do të jetë pjesë e listës për deputetë nga radhët e Aleancës për Ardhmërinë e Kosovës.
Ai këtë e ka bërë të ditur përmes një postimi në Facebook.
Lekaj ka thënë se këtë e vendim e ka marrë për t’u dhënë mundësi anëtarëve të rinj, por ka thënë se do të jetë mbështetës i AAK-së.
“Unë kam vendosur që në zgjedhjet e 7 Qershorit të mos garoj në listën e Aleancës, duke hapur dyert për anëtarët e rinj, por duke dhënë mbështetjen time absolute dhe duke u angazhuar edhe më shumë se asnjëherë më parë që Aleanca, bashkë me kandidatin për Kryeministër z. Ardian Gjini, të dalë fuqishëm në këto zgjedhje, me listën dhe emrat më të mirë që mund të ketë një grupim politik”, ka shkruar Lekaj.
