Numri i vogël i protestuesve serbë janë parë të shtunën në Zveçan e Leposaviq, raporton teve1.info
Gazetari i Teve1, Lindrit Zejnullahu i cili po raporton nga komunat veriore, ka thënë se situata të shtunën është e qete dhe sipas tij është një numër i vogël i qytetarëve që po qëndrojnë para komunave, ku i kishin nisur protestat tash e gati dy muaj më parë.
Përreth objekteve të këtyre komunave po qëndrojnë pjesëtarë të KFOR-it, ndërsa nuk ka tensione ose incidente të protestuesve.
Javëve të kaluara protestuesit kanë shfaqur dhunë ndaj gazetarëve, pjesëtarëve të Policisë së Kosovës e KFOR-it, duke i lënduar kështu një numër të madh të pjesëtarëve të këtij misioni.
Pakënaqësia e qytetarëve serbë ka ardhur pas marrjes së mandatit të punës si kryetarë të komunave veriore nga kryetarët shqiptarë të zgjedhur në zgjedhjet e 23 prillit 2023.