Lista Serbe ka planifikuar organizimin e një koncerti pak ditë para zgjedhjeve në sheshin e Mitrovicës së Veriut, pranë bustit të “Car Lazarit”.
Tëvë1 mëson se për këtë ngjarje është ftuar këngëtarja serbe me prirje pro-ruse, Andela Ignjatovic, e njohur me emrin artistik “Breskvica”, e cila do të interpretojë këngën nacionaliste “Foleja e Shqiponjës”, që përmban mesazhe për “rikthimin e Serbisë në Kosovë”.
Sipas burimeve të Tëvë1 pagesa për angazhimin e artistes është bërë nga Milan Radojiçiq, në koordinim me Listën Serbe.
Ndërkohë, Policia e Kosovës është duke monitoruar situatën, me qëllim që këngëtares në fjalë t’i ndalohet hyrja në territorin e Kosovës.
/teve1.info/
