Që më shumë se gjashtëdhjetë ditë është duke pritur për të iu nënshtruar provimit praktik për pajisje me patentë shoferë.
E pas dy muajve, Shahin Jakupi, nga Podujeva këtë të mërkurë kishte ditën e vlerësimit për njohuritë e fituara.
Por kjo periudhë sipas Jakupit është e gjatë për tu pajisur me leje të ngasjes së veturës.
“Po problem po pasi pak gjatë, tani me ra prej testi vështirësohet edhe më shumë se duhet me prit edhe katër muaj e janë vonesa të shumta edhe kallabllëk nuk e di çka është problemi që i vonojnë këto, pastaj kam pasur edhe telash në paraqitjen e provimit online”, thotë Shahin Jakupi – kandidat për patentë shofer.
E vonesa për të nënshtruar provimit praktik shkojnë edhe me gjatë.
Dikujt tjetër ky provim të mërkurën ju caktua për datën 29 tetor të këtij viti.
Sipas Lavdim Ahmetit i cili është pronar i një prej autoshkollave në kryeqytet pritjet janë për të gjitha kategoritë.
“Është shumë e gjatë pritja sidomos tek motoqokoleta tek kategoria A që është sezonë verore, por edhe tek kategori të tjera, pra kategoria B, sepse nuk vjen kërkush me marrë patente që ka dëshirë të merr, por gjithkush për arsye të ndryshme”, thotë ai.
Mungesa e ekzaminerëve po shihet si arsyeja kryesore e gjithë kësaj tollovie të krijuar.
“Sa i përket kësaj çështjes pse janë këto vonesa është mungesë e ezkaminerëve, nëse themi pse është mungesë e ezkaminerëve këtë e di me mirë ministria si pretendim thuhet që nuk ka ekzaminera që aplikojnë por një prej tyre është një pengesë ligjore ku thuhet që në tri vitet e fundit të mos jetë pjesë e autoshkollave e kjo është e panevojshme”, shprehet Lavdim Hamiti- pronar autoshkolle.
Tëvë 1 ka provuar të marrë një përgjigje edhe nga Ministria e Infrastrukturës por të njëjtin nuk kanë dhënë sqarim gjatë ditës.
