Pajaziti këto deklarata i bëri duke iu referuar edhe krizave të fundit, të cilat ai tha se janë keqmenaxhuar nga qeveria aktuale, siç është kriza e pandemisë, e energjisë dhe kjo e fundit e ngritjes së çmimeve.
“Unë personalisht mendoj që kemi dobësitë tona shikuar nga ajo se si është menaxhuar krejt kjo situatë në dy vitet e fundit, sikur kjo kriza e pandemisë e pastaj krizat e tjera e energjisë, e pastaj kjo që ndodhi me ngritjen e çmimeve. Mendoj që krijon njëfarë situatë të pasigurtë që kjo Qeveri mund të menaxhojë këtë situatën që është më delikatja se të gjitha këto bashkë”, tha ai në emisionin “InfoNata”.
Ndryshe për të evituar tensione të situatës në veri të vendit ambasadori amerikan në Kosovë, Jeffrey Hovenier, ka thënë se është e rëndësishme të shmangen tensionet dhe të shtyhet vendimi për targat e reja të automjeteve./teve1.info./
