Ai ka thënë se e kupton qëndrimin e Kosovës për të zbatuar vendimin e Gjykatës Kushtetuese, por që zbatimi i marrëveshjeve nga Kosova dhe Serbia është rrugë drejtë përforcimit të raporteve ndërmjet dy vendeve.
“Implemtimin e marrëveshjeve të arritura e shoh si rrugëtim për përforcim të besimit ndërmjet Kosovës dhe Serbisë. Marrëveshja ishte edhe krijimi i Komunave me Shumicë Serbe. Pres që të gjendet një rrugë ligjore për implemnetimin kësaj marrëveshje” , ka thënë Pahor në konferencën e përbashkët për medie me presidenten, Vjosa Osmani në Prishtinë, shkruan teve1.info.
Ndërsa, presidentja Vjosa Osmani, tha se Kosova nuk ka zbatuar vetëm një marrëveshje të arritur në Bruksel e që është formimi i Asociacionit, por që sipas saj kjo ka ndodhë pasi marrëveshja është shpallur anti- Kushtetuese.
Osmani tha se Kosova do të respektojë vendimin e Kushtetueses.
“Kosova ka zbatuar 99 përqind të marrëveshjeve të nënshkruara. Është vetëm një që nuk e ka respektuar, ajo për Asociacionin, pasi ajo bije ndesh me Kushtetutën e Kosovës. Dhe ajo çfarë mund të them është se Kosova do të respektojë vendimin e Gjykatës Kushtetuese dhe Kushtetutën”, tha Osmani./teve1.info.
