Kryetari i AKR-së, Behgjet Pacolli ka paralajmëruar se do të ketë njohje të reja për Republikën e Kosovës.
Pacolli përmes një shkrimi në Facebook tha se edhe pse është kritikuar ashpër për qasjen e tij ndaj politikës së jashtme ka arritur që të sigurojë dhjetëra njohje për shtetësinë e Kosovës.
Ai tha se vitin që kaloi solli letrat për dy njohjet për pasaportat e Kosovës nga Zimbabve dhe Kenia.
Statusi i plotë i tij:
Dikur nga njerzit e caktuar (që më vonë u treguan si të kot) u kritikova ashpër.
E madje e quajtën “skandal” pse ja dhash doren pres. Trump në hollin e OKB-së, pse e quajta Bernabiçin “zonja e madhe” ose pse isha takuar me kryeministrin e Marokos me vullnetin e tij.
Megjithatë, unë kam besuar gjithmonë se edukata, mirësjellja dhe diplomacia e mirëfilltë janë çelësi për arritjen e qëllimeve të mëdha për shtet ndërtimin e vendit tonë. Ne fund te fundit pjesën e më të madhe të udhëtimeve te mia i kam bërë me finanasat e mia dhe nuk kam marrë pagë nga qeveria e Kosovës
Edhe para se të isha ministër i Punëve të Jashtme, arrita të siguroj dhjetëra e dhjetëra njohje për shtetësinë e Kosovës, ndërsa gjatë mandatit tim të shkurtër si ministër, solla edhe dy njohje tjera. Çdo vend ku kam shkuar dhe çdo person me të cilin jam takuar, kam lënë dyert hapur për dialog dhe bashkëpunim të mëtejshëm duke demaskuar pretendimet e Serbisë për “ tërheqjen “ e njohjeve.
Vitin që kaloi solla letrat për dy njohjet për pasaportat e Kosovës nga Zimbabve dhe Kenia. E njëjta gjë do të ndodhë edhe me njohje të reja, të cilat do të vijnë së shpejti.
