Kandidati për deputet nga Koalicioni për Familjen, Selim Pacolli ka thënë se me programin e tyre, Kosova do të ndryshojë në aspektin ekonomik, infrastrukturë e sfera të tjera të rëndësishme për qytetarët.
Pacolli ka thënë se ata do të ndihmojnë e asistojnë bizneset e reja.
“Ne kemi një program që ne besojmë fuqishëm që në katër vitet e ardhshme Kosova do të ndryshojë në rrafshin ekonomik, infrastrukturës teknologjisë, familjes. Kriza ekonomike, kriza familjare, kriza në arsim, shëndetësi e çka jo. Fillimisht çfarë ne kemi analizu ndërtimi i hekurudhës Prishtinë-Durrës, apo vazhdimin e saj cila është e rëndësishme për zhvillim ekonomik, asistencën ndaj bizneseve, shumë biznese të Kosovës i janë drejtuar Maqedonisë për zhvillimin e tyre, sepse janë taksat. Ne taksat do t’i ulim në pikën zero të ngarkesës për bizneset tona, do t’i asistojmë bizneset”, ka thënë Pacolli në emisionin “Ditari” në Tëvë1.
Ai ka thënë se ky koalicion po merr mbështetje të madhe nga qytetarët.
