Deputetja e Lëvizjes Vetëvendosje, Fitore Pacolli i ka reaguar deputetit të LDK-së, Paris Guri i cili i ka kërkaur asaj “ti kthej 252 mijë eurot e përfituara nga shteti”, ashtu siç është raportuar në media.
Pacolli ka mohuar të ketë përfituar një shumë të tillë.
Por, ajo ka thënë se motra e deputetit Guri ka përfituar mbështetje vjetore financiare prej 15 mijë eurosh nga Ministria e Kulturës që drejtohet nga Hajrulla Çeku për studime jashtë vendit.
Pacolli në një postim në Facebook ka thënë se motra e Gurit nuk është në mesin e përfituesëve pse është motra e deputetit, por sepse sipas saj e ka merituar.
“Paris, e para, po thua ktheji paret, e unë po të them nuk kam çka të kthej sepse nuk kam marr asgjë.E dyta, jam gëzuar shumë për lajmin që motra jote sivjet ka përfituar mbështetje vjetore financiare prej 15 mijë eurosh nga Ministria e Kulturës që drejtohet nga Hajrulla Çeku për studime jashtë vendit. Ajo është në mesin e 77 të rinjve përfitues vetëm sivjet, të cilët do të bëjnë master e doktoratë në botë. Ajo çka di me siguri të plotë është që motra jote është mbështetur sepse e ka merituar. Jo sepse është motra e deputetit, apo ka gjetur lidhje tjera për të përfituar. Kjo mbështetje ka ndodhur në kohën e Qeverisë Kurti 2. Standardi që kemi ndërtuar ne është i thjeshtë – kush e meriton dhe i plotëson kriteret e thirrjes publike, përfiton! Motra jote do të shkollohet jashtë për t’i kontribuar shtetit tonë. Me kutin tënd po të gjykoja do të thosha: Paris, ktheji paret”, ka shkruar ajo në Facebook
