Mërgimtarët që po hyjnë në Kosovë këtë mëngjes nuk po përballen me pritje të gjata në pikat kufitare. Lëvizja po zhvillohet në mënyrë të qetë dhe të kontrolluar.
Sipas të dhënave të fundit nga Qendra Kombëtare për Menaxhim Kufitar, pritjet më të gjata janë shënuar në pikën kufitare Kullë dhe Dheu i Bardhë, ku ato arrijnë deri në 10 minuta.
Në të gjitha pikat e tjera kufitare, pritjet janë minimale dhe nuk kalojnë pesë minuta, duke lehtësuar ndjeshëm qarkullimin për qytetarët që vijnë në vend për pushime verore.
Gjendja aktuale në pikat kufitare:
Kullë & Dheu i Bardhë – pritje deri në 10 minuta
Merdar, Vërmicë, Jarinjë, Muçibabë, Qafë Morinë, etj. – pritje më pak se 5 minuta
Autoritetet kufitare rekomandojnë që qytetarët të informohen paraprakisht për situatën në kufi dhe të shfrytëzojnë pikëkalimet më të lira për të shmangur vonesat e panevojshme.
