Ka përfunduar baras 1:1 derbi i madh anglez ndërmjet Chelseat dhe Arsenalit.
Kjo ndeshje u zhvillua të dielën mbrëma dhe i takoi javës së 13-të të Premier Leagues së Anglisë.
Të dyja skuadrat shënuan nga një gol në pjesën e dytë. Fillimisht Chelsea kaloi në epërsi me golin e realizuar nga Trevoh Chalobah në minutën e 48-të.
Por lideri Arsenali barazoi shifrat 11 minuta më vonë. Saktësisht në minutën e 59-të, Mikel Merino, me asistim të Bukayo Sakas, realizoi golin e barazimit 1:1 për Arsenalin, që mban vendin e parë me 30 pikë.
Chelsea është në pozitën e tretë me 24 pikë, kurse Manchester City zë vendin e dytë me 25 pikë.








