Pas miratimit të Ligjit për Pagën minimale ka reaguar Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtare të Kosovës, Faton Klinaku.
Klinaku përmes një shkrimi në Facebook ka thënë se sapo është njoftuar se ka kaluar ligji për pagën minimale duke i hequr veteranët e UÇK-së.
Ai tha se do të takohen organet drejtuese të OVL-UÇK-së për të vendosur rreth hapave që do të ndërmarrin
“Siç po e marr vesh nga mediat, pasi u largua opozita nga salla, në terr, deputetët e këtij pushteti të paskrupullt, e kanë kaluar ligjin për pagën minimale duke i hequr veteranët e luftës së UÇK-së. Ne do të takohemi si organe drejtuese dhe do të vendosim për hapat që do t’i ndërmarrim”, ka shkruar Klinaku.
