Organizata e Veteranëve të Luftës së Ushtrisë Çlirimtare të Kosovës (OVL-UÇK) ka reaguar ndaj zhvillimeve të fundit politike në vend për zgjedhjen e presidentit, duke shprehur shqetësim dhe duke bërë thirrje për respektim të rendit kushtetues.
Në reagimin e saj publik, OVL-UÇK thekson se funksionimi demokratik i institucioneve dhe respektimi i Kushtetutës janë themel i shtetit të Kosova.
Sipas organizatës, çdo proces apo veprim që ngjall dyshime për tejkalim të kompetencave apo cenim të Kushtetutës duhet të trajtohet me përgjegjësi të lartë institucionale dhe në përputhje me ligjin.
OVL-UÇK vë theksin te roli i shumicës parlamentare, duke kërkuar prej saj maturi dhe përgjegjësi në vendimmarrje. Organizata apelon që proceset në Kuvend të jenë të rregullta dhe gjithëpërfshirëse, duke shmangur veprimet e njëanshme që mund të dëmtojnë bashkëpunimin institucional.
Në reagim paralajmërohet se çdo veprim që cenon frymën e bashkëpunimit politik rrezikon stabilitetin demokratik dhe besimin e qytetarëve në institucionet shtetërore.
