Presidentja e Kosovës, Vjosa Osmani ka kujtuar 30 vjetorin nga dita kur në Srebrenicë është kryer gjenocidi nga forcat serbe.
E para e shtetit ka thënë se pas tri dekadash, zëri i nënave të Srebrenicës mbetet thirrja më e fortë kundër harresës dhe padrejtësisë.
Derisa, ajo ka kujtuar 8 mijë djem e burra boshnjakë të vrarë brutalisht nga regjimi i Millosheviqit.
“30 vjet nga dita kur në Srebrenicë është kryer gjenocid. 8 mijë djem e burra boshnjakë u vranë brutalisht nga regjimi i Millosheviqit. Pas tri dekadash, zëri i Nënave të Srebrenicës mbetet thirrja më e fortë kundër harresës dhe padrejtësisë. Kosova qëndron përkrah tyre, sepse ne e dimë çfarë do të thotë dhimbja e humbja, por dhe angazhimi i palodhur për drejtësi. Le të mos harrojmë kurrë, le të mos heshtim kurrë!”, ka shkruar presidentja./teve1.info/
