Presidentja e Kosovës, Vjosa Osmani ka thënë se hapja e urës së Ibrit nuk duhet të jetë pjesë e dialogut Kosovë –Serbi.
Reagimi i saj vije pas deklaratës së zëdhënësit të BE-së, Peter Stano i cili përsëriti qëndrimin e bllokut evropian se vendimi për hapjen e urës duhet të merret në bazë të kornizës së dialogut.
Osmani në Facebook ka thënë se për hapjen e urës nuk ka çka pyetet Vuçiqi.
Çështja e urës nuk duhet asesi të bëhet temë e dialogut me Serbinë. Një gjë e tillë do të ishte shkelje e rëndë e sovranitetit, integritetit territorial dhe e kushtetutshmërisë në vendin tonë. Vuqiçi nuk ka çka pyetet se kur do të hapen urat për qarkullim në Republikën e Kosovës”, ka shkruar Osmani.
Ajo ka thënë se dialogu i vetëm që duhet të bëhet është ai institucioneve të Kosovës dhe parterëve të sigurisë .
“Dialogu i vetëm që duhet të bëhet, është ai brenda Kosovës, në mes të institucioneve tona dhe partnerëve tanë të sigurisë (veçanërisht me NATO-n) në mënyrë që të ndërtohet plani i përbashkët i zbatimit për hapjen e urës për çdo qarkullim, që ka parasysh vlerësimet e sigurisë dhe interesat e qytetarëve tanë”, ka shkruar ajo.
Zyrtarët e Qeverisë kishin deklaruar se ura e Ibrit mund të hapet për qarkullim të veturave gjatë këtij viti.
