Presidentja e Kosovës, Vjosa Osmani, do të vizitojë më 4 shtator Shqipërinë me ftesë të presidentit Bajram Begaj.
Osmani do të pritet me një ceremoni shtetërore në ambientet e Presidencës.
Gjithashtu, është bërë publike agjenda e vizitës, shkruan euronews.al
“10:00 – Ceremonia Zyrtare e Mirëseardhjes në Institucionin e Presidentit të Republikës së Shqipërisë.
Vijohet me takimin mes dy Presidentëve dhe më pas takimin e zgjeruar mes delegacioneve.
11:40 – 12:05 Konferencë për shtyp e dy presidentëve”.
Përgjatë qëndrimit në Shqipëri, presidentja Osmani ka parashikuar edhe takime të tjera të nivelit të lartë.
Kjo është vizita e parë e presidentes së Kosovës që nga koha kur kreu i shtetit Begaj mori detyrën.
