Presidentja e Kosovës, Vjosa Osmani ka vizituar sot Shtabin e Përgjithshëm të Forcës së Sigurisë së Kosovës (FSK), në kuadër të përmbylljes së vitit.
Sipas njoftimit zyrtar, ajo u prit nga zëvendëskomandanti i FSK-së, gjeneralmajor Enver Cikaqi, së bashku me stafin e Shtabit të Përgjithshëm.
Gjatë vizitës presidentja u informua për aktivitetet dhe angazhimet që FSK po realizon në të gjitha fushat e veprimit dhe kapacitetet e saj.
Me këtë rast, presidentja Osmani përgëzoi të gjithë pjesëtarët e FSK-së për përkushtimin dhe angazhimin e tyre në shërbim të vendit, duke theksuar rëndësinë e rolit të tyre në sigurinë dhe zhvillimin e Kosovës.
Ajo gjithashtu uroi që viti 2026 të jetë një vit i sukseseve dhe i arritjeve të reja në të gjitha fushat e zhvillimit të Forcës së Sigurisë së Kosovës./teve1.info/
