Presidentja e vendit, Vjosa Osmani, sot ka vizituar kompaninë Speeex, për të cilën ka thënë se është një shembull i suksesit dhe frymëzim për të gjithë.
Osmani ka shkruar se kjo kompani ka hapur dyert për mbi 2 mijë të punësuar.
Po ashtu, presidentja ka thënë se përveç punësimit, kjo kompani ofron edhe rrugë për zhvillimin e aftësive, përfshirë këtu mundësinë për të kontribuuar në përparimin e shoqërisë dhe në shtetin të Kosovës.
“Nga Zvicra në Kosovë, kompania Speeex një shembull i suksesit e frymëzim për të gjithë! Sot takova vajza e djem të kësaj kompanie që operon në Prishtinë, Vushtrri, Prizren e Ferizaj dhe e cila ka hapur dyert për mbi 2 mijë të punësuar. Platforma dixhitale e inovative e Speeex, EEEXPLORE Kosova, i drejtohet mërgatës sonë, duke paraqitur mundësi të panumërta për kthimin e potencialit të të rinjve tanë kudo në botë dhe ofron jo vetëm vende pune, por edhe rrugë për zhvillimin e aftësive, si dhe shanse për të kontribuuar në përparimin e vazhdueshëm të shoqërisë dhe shtetit tonë”, ka shkruar Osmani në Facebook./teve1.info/.
