Përmes një postimi në Facebook ajo ka shkruar se sot ka vizituar njërin nga impiantët më të mëdhenj të paneleve solare lundruese në botë u cili gjendet në Singapor, shkruan teve1.info.
“Me një kapacitet prej 60 MWp, një sipërfaqe prej 45 hektarësh e 122,000 paneleve lundruese, projekti i kompanisë Sembcorp furnizon me energji pesë impiantet lokale të trajtimit të ujit të Singaporit, duke e bërë vendin një nga vendet e pakta në botë që ka një sistem ujësjellësi 100% të gjelbër. Ky projekt është shembull ideal se si kombinohen inovacioni, teknologjia e mbrojtja e mjedisit në dobi të zhvillimit dhe mirëqenies së shtuar – një model për tu ndjekur nga të gjithë përderisa punojmë për tranzicionin energjetik”, ka shkruar Osmani.
Tutje presidentja është shprehur se “E ardhmja e gjelbër dhe zhvillimi i qëndrueshëm qëndrojnë në boshtin e konceptit zhvillimor të Singaporit”./Teve1.info/
