Ish-presidentja e Kosovës, Vjosa Osmani, ka uruar qytetarët me rastin e festës së shenjtë të Kurban Bajramit, duke theksuar rëndësinë e besimit, solidaritetit dhe kujdesit ndaj njëri-tjetrit.
Në mesazhin e saj të urimit, Osmani ka thënë se kjo festë na kujton forcën e besimit në Zot dhe vlerën e solidaritetit njerëzor.
“Kjo festë e shenjtë e Kurban Bajramit na kujton forcën e besimit në Zot dhe vlerën e solidaritetit njerëzor. Në këto ditë të bekuara, le të hapim zemrat për më shumë dashuri dhe kujdes ndaj njëri-tjetrit, veçanërisht për ata që kanë më shumë nevojë për mbështetje dhe ngrohtësi”, thuhet në urimin e saj.
Ajo ka uruar që Kurban Bajrami të sjellë paqe, harmoni dhe begati në çdo familje.
“Uroj që Kurban Bajrami të sjellë paqe në zemrat tuaja, harmoni në familje, shëndet, begati dhe gëzim në çdo vatër. Qoftë kjo festë një moment bashkimi, faljeje dhe shprese për ditë më të mira për të gjithë. Me fat Kurban Bajrami!”, përfundon mesazhi i Osmanit.
