Presidentja e Kosovës, Vjosa Osmani, besimtarëve katolikë iu ka uruar Pashkët, duke thënë se janë manifestim i vlerave tona të përbashkëta njerëzore.
Ajo ka uruar që Pashkët të jenë të mbushura me festë, gëzim e begati, raporton teve1info.
“Pashkët janë manifestim i vlerave tona të përbashkëta njerëzore, mbështetjes, humanizmit e solidaritetit, të cilat populli ynë vazhdon t’i kultivojë në vazhdimësi”, ka shkruar presidentja në Facebook.
Tutje ajo ka thënë se festat sikur Pashkët rikujtojnë fuqinë e shpresës, besimit e dashurisë, ku gjithmonë triumfon mbi sfidat më të mëdha. /teve1.info/
