Presidentja e Kosovës, Vjosa Osmani ka uruar Ditën e Komunitetit Ashkali në Kosovë.
Ajo ka thënë se ky komunitet zë një vend të veçantë në shoqërinë Kosovë.
Osmani ka thënë se janë të përkushtuar që çdo komunitet të ndihet i barabartë në Kosovë.
“Në mozaikun e identitetit të Republikës së Kosovës, komuniteti ashkali zë një vend të veçantë, me traditat, gjuhën, kulturën dhe trashëgiminë e tij të pasur që e kanë bërë vendin tonë më të larmishëm. Trashëgimia kulturore e ashkalinjve është pjesë e pandashme e historisë së Kosovës. Në këtë ditë, riafirmojmë përkushtimin tonë për një Kosovë ku çdo komunitet ndihet i barabartë dhe i respektuar. Forca e Kosovës qëndron pikërisht në shumëllojshmërinë e saj, në ndërthurjen e traditave, në respektin reciprok dhe të ardhmen e përbashkët me dinjitet për të gjithë”, ka shkruar Osmani./teve1.info/
