Ajo theksoi se dhuna ndaj grave e vajzave duhet të shihet nga prizmi i një emergjence kombëtare, raporton teve1.info
“Fatkeqsisht paralelisht me pandeminë Covid-19 mori hov edhe një pandemi nën hije, pandemia e dhunës ndaj grave, ky fenomen tashmë duhet tëshihet nga prizmi i një emergjence kombëtare dhe si i tillë ai përbënë një prej plagëve më serioze e një prej sfidave më komplekse të ditëve tona”, tha Osmani.
Osmani tha se në pesë vitet e fundit në Kosovë janë regjistruar mbi 14 mijë raste të dhunës në familje, të cilat në shumicën e rasteve viktimat ishin gra e vajza, teksa shtoi se nga viti 2010 janë vrarë 50 gra nga burrat e tyre.
“Vetë në pesë vitet e fundit në Kosovën tonë u shënuan mbi 14 mijë raste të dhunës në familje nga të cilat në shumicën dërrmuese viktimat ishin vajzat dhe gratë. Në vendin tonë sipas të dhënave nga Organizatat për mbrojtje e grave nga viti 2010, 50 gra u bënë viktima të femicidit, 50 gra janë vrarë nga burrat”, deklaroi ajo.
Tutje Osmani në fjalimin e saj tha se akoma më i dhimbshëm është fakti se dhuna në Kosovë po vazhdon të frymojë në heshtje.
Ajo madje tha se në vendin tonë ka shumë dhunë të pa raportuar.
“Më i dhimbshëm akoma është fakti se në shumë raste dhuna vazhdon të frymojë në heshtje, ka kaq shumë dhunë të pa raportuar, ka kaq zëra ende të pafuqizuar, ka kaq dhimbje që mbetet e ngujuar brenda mureve e qative”, ka thënë Osmani.
Presidentja Osmani më tej ka thënë se është puna e shtetit të Kosovës që vajzave dhe grave që ballafaqohen me dhunë t’u krijohet platformat e duhura që u garantojnë siguri e barazi në punë, në rrugë, e në shtëpi, teksa kërkoi që grat e vajzat të kenë edhe qasje në trashëgimi.
“Grave e vajzave tona nuk u mungon guximi, por është përgjegjësi e jona t’u krijojmë platforma e duhura që u garantojnë atyre siguri e barazi në shtëpi, në punë, në rrugë, brenda për brenda komunitetit në qasje në trashëgimi e në drejtësi”, u shpreh Osmani.
Osmani foli edhe për dhunimet seksuale, teksa tha se gjatë periudhës 2019-2021 janë raportuar 173 raste të dhunimeve seksuale, e sipas saj kjo është mjaftë shqetësuese.
“Një statistikë edhe me shqetësuse ka të bëjë me dhunimet seksuale, sipas tëdhënave tëpublikuara nga EULEX-i Këshilli Gjyqësor i Kosovës ka raportuar 173 raste të dhunimeve seksuale që kanë arritur në Gjykata Themelore në periudhat 2019-2021”, tha Presidentja Osmani./teve1.info
