Presidentja e Kosovës, Vjosa Osmani e ka pritur në Presidencë të mërkurën paradite emisarin e posaçëm të BE-së për dialogun Kosovë-Serbi, Peter Sorensen.
Peter Sorensen, menjëher pas këtij takimi do të zhvilloj një takim edhe me kryeministrin në detyrë të Kosovës, Albin Kurti.
Vizita e Sorensenit në Kosovë vjen pas vizitës së tij në Shtetet e Bashkuara të Amerikës (SHBA), ku ai, së bashku me ambasadorët e vendeve të Ballkanit Perëndimor, ka diskutuar rreth çështjeve të sigurisë, stabilitetit rajonal dhe perspektivës së zgjerimit të Bashkimit Evropian.
