Presidentja e Kosovës, Vjosa Osmani, zhvilloi sot një takim me homologun e saj të Emirateve, Sheikh Mohamed bin Zayed Al Nahyan.
Përmes një postimi në Facebook, Osmani vuri në dukje se partneriteti mes Kosovës dhe Emirateve, i lindur në kohë sfidash, po thellohet sot si një aleancë vizioni.
“Duke dëshmuar se miqësia e vërtetë ndërtohet me besim të qëndrueshëm dhe angazhim të ndërsjellë”, deklaroi ajo.
Gjatë qëndrimit të saj në Emiratet e Bashkuara Arabe, presidentja ka zhvilluar gjithashtu një sërë takimesh për avancimin e marrëdhënieve bilaterale dhe bashkëpunimit strategjik.
