Presidentja e Kosovës, Vjosa Osmani, u paraqit në fundjavë nga Shtetet e Bashkuara të Amerikës.
Krejt kjo në kuadër të sesionit të 78-të të Asamblesë së Kombeve të Bashkuara, ku Osmani do ta përfaqësoj Kosovën.
Përveç takimeve me liderë botërorë dhe organizata ndërkombëtare shefja e shtetit takoi edhe përfaqësuesit e mërgatës shqiptare që veprojnë në New York.
Por, çfarë u bisedua në këtë takim e ka zbuluar për emisionin Ditari në Tëvë1, Sokol Paja nga shoqata “Vatra” në New York.
Ndërkohë përveç Osmanit në SHBA, po qëndrojnë edhe liderët e tjerë të Ballkanit Perëndimor.
Prandaj në shoqatën “Miqtë e Amerikës” në Prishtinë, thonë se prezenca e presidentes së Kosovës në SHBA, ka rëndësi të madhe.
Dhashtë Zoti që Presidenca e Kosovës, MPJ, e kanë kryer detyrën e vet dhe kanë përgatit sa më shumë takime, sepse ato agjenda paracaktohen afër 1 muaj përpara”, tha kryetari i Shoqatës Miqtë e Amerikës, Agim Rexhepi.
Kryetari i kësaj shoqate, Agim Rexhepi, shton se për momentin në SHBA, ndodhen personalitetet e mëdha botërore.
Prandaj shpresojnë që Osmani, do ta shfrytëzoj këtë mundësi.
“Brenda këtyre ditëve që fillon kjo konferencë ku marrin pjesë shumë personalitete të fuqishme botërore, njëkohësisht është edhe Papa Françesku në atë takim. Shpresoj që presidenca e ka kap këtë finesë dhe shpresoj që e ka caktuar edhe një takim me Papën”, ka deklaruar Rexhepi.
Ndryshe nga Presidenca e Kosovës, kanë bërë të ditur se shefja e shtetit, është ftuar të marr pjesë në pritjen zyrtare të organizuar nga presidenti i SHBA-ve, Joe Biden.
