Presidentja e Kosovës, Vjosa Osmani është takuar me presidentin e Ukrainës, Volodymyr Zelenskyy në Moldavi për samitin e Komunitetit Politik Evropian.
Osmani ka publikuar fotografi në Twitter, teksa ka thënë se Zelenskyt i ka shprehur solidaritetin e plotë, raporton teve1.info
Osmani theksoi se askush nuk e kupton dhimbjen, luftën dhe qëndrueshmërinë e Ukrainës më mirë se populli i Kosovës.
“Në momentet kur ka rëndësi se ku qëndroni, unë i shpreha Presidentit solidaritetin tonë të plotë. Askush nuk e kupton dhimbjen, luftën dhe qëndrueshmërinë e Ukrainës më mirë se populli i Kosovës. Asgjë nuk mund të pengojë vullnetin e një populli për të qenë i lirë.”, ka shkruar ajo.
At times when it matters where you stand, I expressed our full solidarity to President @ZelenskyyUa. No one understands Ukraine’s pain, struggle and resilience better than the people of Kosovo.
Nothing can stand in the way of a people’s will to be free. 🇽🇰🇺🇦 #SlavaUkraini pic.twitter.com/tEJ3Q5i57X
— Vjosa Osmani (@VjosaOsmaniPRKS) June 1, 2023
Ndryshe, Kosova është ndër vendet e para që i’u bashkua aleancës Euro-Amerikane në përkrahje të Ukrainës dhe vendosjen e sanksioneve ndaj Rusisë./teve1.info
