Presidentja e Kosovës, Vjosa Osmani, ka njoftuar se ka zhvilluar një takim me presidentin kroat Zoran Milanoviç.
Nëpërmjet një postimi në Facebook, Osmani, ka shprehur mirënjohjen e saj për mbështetjen e Milanovicit ndaj Kosovës.
“Takim gjithnjë përmbajtësor me Presidentin kroat Zoran Milanović. Mirënjohëse për mbështetjen e tij për një Kosovë të fortë, të sigurtë dhe të përkushtuar drejt së ardhmes euroatlantike”, ka shkruar ajo.
Presidentja Osmani, të hënën ka udhëtuar në Mal të Zi ku do të marrë pjesë në takimin vjetor të krerëve të shteteve të rajonit në kuadër të Procesit të Bërdo Brione, i cili sipas njoftimit të Presidencës së Kosovës, do të fokusohet në procesin e zgjerimit të Bashkimit Evropian dhe rëndësinë e anëtarësimit të rajonit në BE.
Osmani merr pjesë në takimin vjetor të Procesit Bërdo-Brione
