Presidentja e Kosovës, Vjosa Osmani në Konferencën e Sigurisë në Mynih është takuar me homologun e saj nga Estonia, Alar Karis.
Osmani ka thënë se me Karis kanë diskutuar për partneritetin dypalësh, si dhe për sfidat e përbashkëta në ruajtjen e paqes dhe stabilitetit.
“Me Presidentin e Estonisë, Alar Karis në Konferencën e Sigurisë në Mynih, diskutuam për partneritetin tonë dypalësh dhe për sfidat e përbashkëta në ruajtjen e paqes dhe stabilitetit. Mirënjohëse për mbështetjen e vazhdueshme të Estonisë në rrugëtimin euroatlantik të Kosovës”, ka shkruar ajo në Facebook.
Ndryshe, në kuadër të Konferencës së Sigurisë në Mynih, Osmani ka zhvilluar një sërë takimesh me liderë ndërkombëtarë, në mesin e të cilëve edhe presidentin e Këshillit Evropian, Antonio Costa./teve1.info/
