Osmani ka thënë se distanca gjeografike mes dy vende sfidohet nga afërsia e bashkëpunimit mes miqve e partnerëve.
“Distanca gjeografike në mes të dy vendeve sfidohet gjithnjë nga afërsia e bashkëpunimi në mes miqve e partnerëve. Një fillim i shkëlqyeshëm i vizitës në Singapor ku u mirëprita nga Presidentja Halimah Yacob. Singapori shquhet për zhvillimin dinamik, avancimin teknologjik dhe shndërrimin në një prej epiqendrave të aktivitetit ekonomik në Azi”, ka shkruar ajo.
Tutje Osmani tha se në Singapor ka potencuar mundësitë për bashkëpunim në fusha të ndryshme, e që sipas saj kjo vizitë e konfirmon gatishmërinë e dyanshme për intensifikim të bashkëpunimit, shkruan teve1.info
“Në këtë kontekst potencova mundësitë për bashkëpunim në fusha të ndryshme, nga politika e jashtme e deri te teknologjia, energjia, arsimi e shumë fusha të tjera. Prandaj, kjo vizitë konfirmon gatishmërinë e dyanshme për intensifikim të bashkëpunimit”, ka shkruar Osmani në Facebook.
