Presidentja e Kosovës, Vjosa Osmani, është takuar me presidentin e Kroacisë, Zoran Milanoviq, në margjina të Samitit të NATO-s në Washington D.C.
Nga atje, Osmani ka bërë të ditur se kanë diskutuar për aspiratën e Kosovës për t’u anëtarësuar në NATO.
“Diskutuam aspiratën e Kosovës për t’u anëtarësuar në NATO dhe mbështetjen jetike nga aleatët tanë kroatë. Falënderova Presidentin Milanović që gjithnjë ka qenë zë i fuqishëm pro anëtarësimit të Kosovës në NATO dhe në organizata të tjera ndërkombëtare”, ka shkruar presidentja në Facebook./teve1.info/
