Përmes postimit të një video në Facebook, Osmani ka njoftuar se do të vazhdoj ciklin e vizitave nëpër komuna duke thënë se do të ketë një agjendë të ngjeshur sot në Pejë.
Presidentja ka bërë të ditur se fillimisht do të takohet me kryetarin e komunës, Gazmend Muhaxherin, transmeton teve1.info.
“Jemi rrugës për në Pejë. Kemi filluar një cikël të vizitave nëpër komuna, ku flasim jo vetëm me kryetarët e komunave, por edhe me qytetarët dhe përfaqësuesit e organizatave jo qeveritare, në veçanti ato që përfshijnë të drejtat e grave dhe të fëmijëve. Në Pejë do ta kemi një agjendë shumë të ngjeshur, duke filluar nga takimi me kryetarin e komunës, Gazmend Muhaxherin…”, ka thënë Osmani.
Ndërkaq, në orën 12:50, Presidentja Osmani për nder të Ditës së Fëmijëve, do ta vizitojë Ekspozitën e përgatitur nga fëmijët me nevoja të veçanta në sheshin e Pejës, thuhet në komunikatën e presidencës.
