Por, besimin e tillë në kirurgët e Klinikës së Kirurgjisë, nuk e pati presidentja e vendit, Vjosa Osmani.
Kjo pasi të mërkurën për një operacion të ngjashëm, iu drejtua këtij spitali privat.
Për këtë, mbrojtja e afërt e saj, të enjten u pa në oborrin e këtij spitali.
E pas tyre, edhe Policia e Kosovës.
Nga ky spital, nuk pranuan të flasin për gjendjen shëndetësore të shefes së shtetit.
Ndërsa për gjendjen shëndetësore të saj, nuk dhanë informacion as nga Presidenca e Kosovës.
Megjithatë, Osmani të enjten u pa në Klinikën e Kirurgjisë në QKUK.
Por, vetëm brenda kësaj fotografia 40-60 centimetra, që e parasheh protokolli shtetëror.
Drejtori i Klinikës së Kirurgjisë në QKUK, Ferat Sallahu thotë se ky operim në klinikën e shtetit kryhet që nga viti 1999.
Dhe këtë, sipas tij, me suksese e kryen çdo kirurg në këtë klinikë.
“ Neve si kolegjium kemi qenë jashtëzakonisht të indinjuar me veprimin e presidentet. Çdo politikan të parën shënjestër që kërkojnë ndihmë, duhet me qenë institucionin shtetëror”, tha ai.
Madje Sallahu shton se në rast të përkeqësimittë gjendjes së një pacienti, ai nga spitali privat dorëzohet në QKUK.
“Të gjithë pacientët kur u keqësohet gjendja, shpëtimin e gjejnë dhe dorëzohen tek ne”,shtoi Sallahu.
E shembull të keq veprimin e presidentes, e quan edhe gazetari i shëndetësisë, Bujar Vitia.
Sipas tij, kjo është hera e dytë që Osmani zgjedh spitalet private, e jo ato publike.
“Për të parin është raportuar që e ka kry jashtë vendit, ky i dyti që e kryen në vend…kjo vetëm e thellon mosbesimin…”, deklaroi ai.
Ndërkohë nga Presidenca e Kosovës, heqjen e tëmthit e kanë cilësuar si intervenimin kirurgjik të lehtë.
Ndërsa përgjegjësitë e presidentes, deri me 3 nëntor iu bartën kryekuvendarit, Glauk Konjufca.
Kronika e gazetarit Fidan Zejnullahu.
