Presidentja e Kosovës, Vjosa Osmani, ka folur rreth procesit të aplikimit të Kosovës në Bashkimin Evropian, para samitit të BE-së me vendet e Ballkanit Perëndimor .
Ajo ka thënë se shpreson që aplikimi i Kosovës për anëtarësim në BE të merret në shqyrtim së shpejti.
“Praktikisht kemi aplikuar vetëm disa vite më parë, shpresojmë që aplikimi ynë të jetë në tryezën e anëtarëve të Këshillit shumë, shumë shpejt. Në fakt, si identitet, si shtet, si komb, ne kemi kontribuar në vlerat mbi të cilat qëndron Bashkimi Evropian për shekuj me radhë. Dhe kështu besojmë fuqishëm se, ndonëse është një proces shumë kompleks, nëse do të përdorej kriteri i bazuar në meritë, Kosova në fakt do të kishte qenë një nga pararendëset deri tani”, tha ajo në intervistë për Euronews.
Sipas saj, procesi është kompleks në rastin e Kosovës edhe për shkak të pesë mosnjohësve të njohur, “për të cilët ne vërtet shpresojmë se do ta kuptojnë se Kosova si anëtare e Unionit nuk është vetëm në dobi të popullit të Kosovës, por është një imperativ strategjik, është një imperativ i sigurisë për të gjithë kontinentin”, tha ajo.
