Presidentja e Kosovës, Vjosa Osmani u ka shprehur ngushëllime familjarëve të 12 viktimave që humbën jetën nga një zjarr në një shtëpi pleqsh në Tuzël të Bosnjë e Hercegovinës.
E para e shtetit ka thënë se populli i Kosovës është i pikëlluar nga zjarri tragjik, i cili ka marrë jetë të çmuara dhe ka lënë familjet në pikëllim të thellë.
“Në emër të popullit të Kosovës, u shpreh ngushëllimet tona më të thella familjeve të të ndjerëve dhe popullit të Bosnjës dhe Hercegovinës. Kujtimi i të humburve u sjelltë ngushëllim të dashurve të tyre dhe të plagosurit shërofshin shpejt dhe plotësisht. Republika e Kosovës është me ju”, shkroi presidentja në platformën “X”.
Ndryshe, dymbëdhjetë banorë të shtëpisë vdiqën në një zjarr, kryesisht nga djegiet dhe helmimi nga monoksidi i karbonit dhe 35 të tjerë u detyruan të kërkonin ndihmë mjekësore./teve1.info/
