Presidentja e Kosovës, Vjosa Osmani, është duke qëndruar në Shtetet e Bashkuara të Amerikës, prej ku ka deklaruar se SHBA-ja është në ADN-në e suksesit të Kosovës.
Këtë Osmani e ka thënë në ngjarjen kryesore me rastin e 20 vjetorit të MCC-së në prag të Samitit SHBA-Afrikë, ku po merr pjesë edhe presidenti, George W Bush si themelues i MCC-së.
“Roli i SHBA-ve ka qenë përcaktues për fatin e Kosovës, ndaj SHBA-ja është në ADN-në e suksesit të shtetit tonë. Në eventin qendror me rastin e 20-vjetorit të Korporatës së Sfidave të Mijëvjeçarit (MCC) në prag të Samitit SHBA-Afrikë, me pjesëmarrjen e Presidentit George Ë. Bush, njëherit themelues i MCC-së, fola për shtetndërtimin dhe zhvillimin e Kosovës, me ç’rast rikonfirmova rolin e pakontestueshëm të SHBA-ve për lirinë dhe shtetndërtimin”, ka shkruar ajo në Facebook. /teve1.info/