Ish-presidentja e Kosovës, Vjosa Osmani, ka reaguar pas sulmit të ndodhur gjatë darkës së korrespodentëve të Shtëpisë së Bardhë në Washington, ku ishin të pranishëm presidenti amerikan Donald Trump dhe Zonja e Parë, Melania Trump.
Përmes një postimi në platformën X, Osmani bëri të ditur se ka dërguar lutje për presidentin amerikan, bashkëshorten e tij dhe popullin amerikan.
Ajo theksoi se Kosova beson fuqishëm në qëndrueshmërinë e Shteteve të Bashkuara dhe institucioneve të saj, duke shtuar se Kosova mbetet një partner i palëkundur në promovimin e paqes, sigurisë dhe stabilitetit global.
“Jemi mirënjohës për trimërinë e agjentëve të Shërbimit Sekret të ShBA-së që vepruan shpejt dhe heroikisht për të mbrojtur Presidentin dhe të gjithë të pranishmit. Guximi i tyre ndihmoi në parandalimin e një tragjedie kombëtare. Shtetet e Bashkuara mbeten mbrojtësi më i madh i lirisë dhe demokracisë. Asnjë akt dhune nuk do ta zvogëlojë kurrë këtë”, ka shkruar Osmani.
Ajo shtoi se Shtetet e Bashkuara mbeten mbrojtësi më i madh i lirisë dhe demokracisë, duke nënvizuar se asnjë akt dhune nuk mund ta zbehë këtë rol.
Sending prayers and solidarity to President @realDonaldTrump, the First Lady @MELANIATRUMP, and the American people following last night’s cowardly attack at the White House Correspondents’ Dinner.
We trust in the resilience of the United States and its institutions, and we…
— Vjosa Osmani (@VjosaOsmaniPRKS) April 26, 2026
