Presidentja e Kosovës Vjosa Osmani me ftesë të sulltanit të Bruneit, Haxhi Hassanal Bolkiah, të dielën është nisur për vizitë shtetërore atje.
Osmani përmes një postimi në Facebook ka thënë se është pritur me nderimet më të larta shtetërore ushtarake në aeroportin e Brunei Darussalam.
Sipas saj kjo është vizita e parë ndonjëherë e kreut të shtetit të Kosovës në këtë shtet mik të Azisë Juglindore.
“Faleminderit për mikpritjen! Terima Kasih”, ka shkruar Osmani në fund të postimit.
