Bëhet e ditur se gjatë këtij takimi presidentja Osmani ka shpjeguar nevojën e procesit të vetingut në sistemin e drejtësisë së Kosovës, me ndryshimet e nevojshme kushtetuese dhe ligjore.
“Presidentja Osmani theksoi se një proces i mirëfilltë dhe profesional i vetingut është jetik për ta forcuar sundimin e ligjit, si dhe për të garantuar integritetin, efikasitetin dhe profesionalizmin e sistemit të drejtësisë. Si i tillë, procesi i vetingut ka për synim forcimin e cilësisë së sistemit të drejtësisë, i cili ndikon drejtpërdrejtë në përmirësimin e jetës së qytetarëve të Republikës së Kosovës”, thuhet në njoftim.
Gjatë takimit u diskutua edhe për marrëdhëniet dhe bashkëpunimin profesional në mes Kosovës dhe Komisionit të Venecias.
Kurse presidentja Osmani shprehu falënderim për mbështetjen e vazhdueshme që Komisioni i Venecias i ka ofruar Republikës së Kosovës.
