“Zoti president mirë se vini në shtetin si motër në Republikën e Kosovës, më lejoni që sërish të ju uroj për detyren e rëndësishme që keni marrë dhe ju falendëroj që po e vazhdoni traditën e presidentëve nga Shqipëria të cilët e nisën mandatin e tyre dhe vizitat e tyre zyrtare me vizitën në Kosovë”, tha Osmani.
Presidenjta Osmani në një konferencë të përbashkët për media tha se Shqipëria i ka dhënë mbështetje të parezervë Kosovës në të gjitha periudhat, teksa shtoi se pret që Shqipëria të jetë edhe më tej zë i Kosovës në arenën ndërkombëtare, raporton teve1.info
“Shqipëria i ka dhënë mbështetje të parezervë Republikës së Kosovës në të gjitha periudhat, ndërkohë që keni qenë zëri ynë aty ku ne nuk jemi të përfaqësuar, gjatë udhëheqjes suaj llogarisim në ju, llogarisim që Shqipëria edhe më tej të jetë zëri ynë aty ku jepet mundësia”, ka thënë ajo.
Osmani theksoi se fakti që Shqipëria është anëtare e NATO-s krijon siguri të madhe në rajon.
Osmani ka thënë se objektiv strategjik i Kosovës mbetet anëtarësimi në NATO dhe Bashkim Evropian duke theksuar se Kosova do të aplikojë për statusin e vendit kandidat në BE deri në fund të këtij viti.
“Fakti që Shqipëria është tashmë anëtare e NATO-s krijon siguri më të madhe në të gjithë rajonin tonë, në këtë kohë kur po sfidohet arkitektura e sigurisë jo vetëm në kontinentin tonë por edhe më gjerë siguria është shëndrruar në prioritet, prandaj krahas procesit të anëtarë simit të Kosovës në NATO që mbetet synim i yni i vazhdueshëm në po bëjmë koordinim të plotë e të përafërt me partnerët tanë ndërkombëtar, po bëhen përgatitjet qe të zbatohen vendimet tona”, tha Osmani./teve1.info
