Përmes një postimi në Facebook, Osmani u shpreh se si president i Shqipërisë ai u kujdes gjithnjë që Kosova të mbahet në agjendën e tij shtetërore, për çka thotë se populli i Kosovës do ta kujtojë përherë.
“Në emër të qytetarëve të Kosovës u përkulëm para arkëmortit të Presidentit, shtetarit të paepur, njeriut të urtë e dinjitar, qytetarit të ndershëm e atdhetarit të përkushtuar. Ai u angazhua tërë jetën për shtetin e kombin shqiptar. Si President i Shqipërisë, ai u kujdes gjithnjë që Kosova të mbahet lart në agjendën e tij shtetërore. Populli i Kosovës dhe institucionet e saj do ta kujtojnë përherë me mirënjohje të thellë”, shkroi ndër tjerash ajo.
Ndryshe, Nishani ndërroi jetë para disa ditësh, teksa trupi i tij i pajetë u soll në Shqipëri të mërkurën./teve1.info/